F1 vs. MotoGP

Þegar maður hélt að F1 væri að gera það fyrir allan peninginn sagði einhver:

"Hey ég hef það! Láta MÓTORHJÓL keira í hringi".

Pólitískar vangaveltur

Getur verið að Jónínu Bjartmarz málið sé að lognast útaf.  Ég átti alltf svolítið erfitt með að átta mig á allri reiðinni í kringum það mál.  Fyrir mér var þessi stelpa meira en velkomin í þennan hóp sem kallar sig íslendinga, jafnvel velkomnari en td Árni Jonsen, en það er nú önnur saga.  

Held að hér hafi verið á ferðinni dæmi um það þegar góður embættismaður hittir fyrir sitt eigið fáránlega regluverk og ákveður að þetta geti ekki átt við sig.  Best að fara styttri leiðina (þessar-reglur-eru-barn-síns-tíma heilkennið).  

Ekki als fyrir löngu ákvað samflokksmaður Jónínu, Kalli Keisari (lesist Guðni Ágústson) að setja 16 miljarða (16 þúsund milljónir) í kindur.  Það heyrðist ekki múkk frá nokkrum manni nema ef einstaka grínari gat gert að þessu góðlátlegt grín.  Þarna er samt á ferðinni miklu stærri glæpur heldur en Jónína gerði sig nokkur tíma seka um.

 Held að fólk skilji ekki tölur eins og 16.000.000.000., en það skilur þegar einhver stingur sér framfyrir í röðinna.  Lærdómurinn sem hægt er að draga af þessu væri þá að þegar þú ættlar að koma þínu áfram þarftu að gera það af svo mikilli ósvífni að ekki nokkur maður getur náð utan um það í einni setningu eða tvemur.  Og þá er málið dautt.

Nýtt upphaf!

Þetta blogg er sett á laggirnar með vissum trega en af algerri nauðsyn.  Sem betur fer er þetta þó merki um nýtt upphaf en ekki gamalt eins og svo oft vill vera. Djók.

Veriði nú ekki feimin við að segja ykkar álit.